ભારતીયોની વિદેશ ભણી દોટ કેમ?

છેલ્લાં કેટલાંક વર્ષોથી ટેક્સને કડક કરવાની કેન્દ્ર સરકારની પ્રવૃત્તિ લોકોને રાતનું જમવાનું મેળવવા અંગે પણ વિચારવા મજબૂર કરી દે છે

ભારતીયો વિદેશ ભણી જઇ રહ્યા છે તે પહેલી નજરે જોતાં ચિંતાનો વિષય ભલે ન લાગતો હોય, પરંતુ શું તેની પાછળનું કારણ જાણવાની કોશિશ ક્યારેય થઇ છે? શા માટે ભારતીયોને વિદેશ આકર્ષી રહ્યું છે? થોડા દિવસો પહેલા સરકાર દ્વારા સંસદમાં રજૂ કરાયેલા નવીનતમ આંકડા ભારતીય નાગરિકતા છોડનારા લોકોની વધતી જતી સંખ્યાને દર્શાવતા હતા.

વર્ષ ૨૦૨૧માં ૧,૬૩,૦૦૦થી વધુ ભારતીયોએ બીજા દેશના નાગરિક બનવાનો વિકલ્પ પસંદ કર્યો. સાત વર્ષની આ સૌથી મોટી ગણતરી છે. છેલ્લાં ત્રણ વર્ષમાં આ સંખ્યા લગભગ ચાર લાખ અને છેલ્લા સાત વર્ષમાં લગભગ નવ લાખ હતી. આ એક આશ્ચર્યજનક આંકડો છે. તેની પર વિચારવિમર્શ કરવાની પણ ૧૦૦ ટકા જરૂર છે.

આપણે બેવડી રાષ્ટ્રીય નીતિને અનુમતિ આપતા નથી. જેમણે ગયા વર્ષે પોતાના જૂના પાસપોર્ટ બદલી દીધા તેમાંથી લગભગ અડધા લોકોએ અમેરિકાની નાગરિકતા લીધી, આ માટે ખાસ કરીને કેટલાય વર્ષોના પૂર્વ પ્રવાસની જરૂર હોય છે, આ લોકો પહેલેથી જ અમેરિકી નિવાસી હતા. આ રીતે કેટલાય અન્ય લોકોને હાલના પ્રસ્થાનના રૂપમાં વર્ગીકૃત ન કરી શકાય.