હેરાલ્ડ કેસમાં EDની કાર્યવાહી સામે કોંગ્રેસ વીફરીઃ સડકથી સંસદ સુધી આક્રમક વિરોધ

કોંગ્રેસમાં તમામ સાંસદોની બેઠક શરૂઃ સંસદમાં પણ આજે મોટો હોબાળો થશે

નવી દિલ્હી, ગુરુવાર

નેશનલ હેરાલ્ડ કેસમાં તપાસ કરી રહેલી એન્ફોર્સમેન્ટ ડિરેક્ટોરેટ (ઈડી)ની મોટી કાર્યવાહી સામે કોંગ્રેસ બરાબરની વિફરી છે. ઈડી દ્વારા નેશનલ હેરાલ્ડ કેસમાં મની લોન્ડિંગ તપાસ હેઠળ હેરાલ્ડ હાઉસમાં આવેલા કોંગ્રેસના યંગ ઈન્ડિયન કાર્યાલયને હંગામી ધોરણે સીલ કરવામાં આવ્યા બાદ કોંગ્રેસે હવે આક્રમક વલણ અપનાવ્યું છે. ઈડીની કાર્યવાહી સામે ઉગ્ર વિરોધ કરવા તેમજ આ મામલે સંસદથી લઈને સડક સુધી આક્રમક વિરોધ પ્રદર્શનો કરવાની રણનીતિ ઘડવા માટે કોંગ્રેસે સંસદીય પક્ષની એક બેઠક બોલાવી છે અને આ બેઠક અત્યારે આ લખાય છે ત્યારે ચાલી રહી છે.