PM મોદી સાથે સેલ્ફી અને ઓટોગ્રાફ લેવા USના સાંસદોની પડાપડી: સતત તાળીઓ ગૂંજતી રહી

૧૫ વખત અપાયું સ્ટેન્ડિંગ ઓવેશન

વોશિંગ્ટન, શુક્રવાર

વડા પ્રધાન નરેન્દ્ર મોદીનું અમેરિકામાં જોરદાર સ્વાગત થયું છે. વડા પ્રધાન મોદીએ ગુરુવારે સંસદના સંયુક્ત સત્રને સંબોધન કર્યું હતું. જેમાં સંસદના સભ્યો અને ભારતીય અમેરિકન સમુદાયના લોકોએ ભાગ લીધો. પીએમ મોદીનાં ભાષણ દરમિયાન સતત તાળીઓનો રહ્યો. અમેરિકી ગડગડાટ ગૂંજતો સાંસદોએ પીએમ મોદી સાથે સેલ્ફી પણ લીધી હતી. ઓટોગ્રાફ લેવા માટે લાઈનમાં ઊભા રહ્યા. એટલું જ નહીં પીએમ મોદીનાં ભાષણનું ઊભા થઈને સ્વાગત પણ કર્યું હતું. લગભગ એક કલાકના સંબોધનમાં સાંસદો ઉત્સુકતાથી સાંભળતા જોવા મળ્યા હતા.

પીએમ મોદીના સંબોધન દરમિયાન ત્યાં હાજર સેનેટરોએ ૭૯ વાર તાળીઓ પાડી અને ૧૫ વાર સ્ટેન્ડિંગ ઓવેશન આપ્યું. પીએમ મોદીના સંબોધનથી સંસદમાં હાજર સભ્યો ખૂબ પ્રભાવિત થયા હતા. પીએમ મોદીની લોકપ્રિયતાનો અંદાજો એ વાતથી લગાવી શકાય છે કે તેમનું ભાષણ પૂરું થયા બાદ સાંસદો વચ્ચે પીએમ મોદીનો ઓટોગ્રાફ લેવા માટે હોડ મચી હતી.