તું હાલ તે હાલ મરી જાઃ પત્નીના અસહ્ય ત્રાસથી કંટાળી પતિએ ગળાફાંસો ખાઈને જાવન ટૂંકાવ્યું

પત્ની તેના પતિને રૂમમાં પૂરી રાખતી હતી અને જમવાનું પણ આપતી ન હતી

સામાન્ય રીતે પતિ તેમજ સાસરિયાંના ત્રાસથી પરિણીતા આપઘાત કરી લેતી હોય છે પરંતુ ક્યારેક એવું પણ બને છે કે પત્નીના ત્રાસથી પતિ જીવન ટુંકાવી દેતો હોય છે. શહેરના રાણીપ વિસ્તારમાં પત્નીના ત્રાસથી પતિએ ગળાફાંસો ખાઇને આત્મહત્યા કરી હોવાનો બનાવ પ્રકાશમાં આવ્યો છે. પતિને અન્ય સ્ત્રી સાથે આડા સંબંધ હોવાની શંકા રાખીને પત્ની અવારનવાર બોલાચાલી કરી ઝઘડા કરતી હતી. જેથી કંટાળીને પતિએ દોઢેક વર્ષ અગાઉ પણ દવા પીને આત્મહત્યાની કોશિશ કરી હતી. જો કે ૪થી જાન્યુઆરીના દિવસે ગળાફાંસો ખાઇને આત્મહત્યા કરી લેતાં પોલીસે આત્મહત્યાની દુષ્પ્રરણાનો ગુનો નોંધીને વધુ તપાસ શરૂ કરી છે.