શપથ ગ્રહણ પહેલાં ઈઝરાયલી બંધકોને નહીં છોડે તો મિડલ ઈસ્ટમાં તબાહી: ટ્રમ્પની હમાસને ધમકી

માનવતા સામે અત્યાચાર કરનારા લોકો વિરુદ્ધ કડક એક્શન લેવાશેઃ Us પ્રમુખ

અમેરિકાના નવા ચૂંટાયેલા યુએસ પ્રમુખ ડોનાલ્ડ ટ્રમ્પે હમાસને ખુલ્લી ધમકી આપી છે. ડોનાલ્ડ ટ્રમ્પે સાફ શબ્દોમાં જણાવ્યું છે કે, જો ગાઝા પટ્ટીમાં બંધક બનાવવામાં આવેલા લોકોને ૨૦ જાન્યુઆરીએ તેમની શપથ વિધિ પહેલાં છોડવામાં નહીં આવે તો મધ્ય પૂર્વમાં તબાહી મચાવી દઇશ. ઈઝરાયલના આંકડાઓ અનુસાર ગયા વર્ષે હુમલા દરમિયાન હમાસના આતંકવાદીઓએ ઈઝરાયલઅમેરિકન નાગરિકો સહિત ૨૫૦થી વધુ લોકોને બંધક બનાવી લીધા હતા. ગાઝામાં હજુ પણ રાખવામાં આવેલા ૧૦૧ વિદેશી અને ઇઝરાયલી બંધકોમાંથી અડધા જીવંત હોવાનો અંદાજ છે.