മത വോട്ടുകൾക്കായി ത്രികോണമത്സരം

മതനിരപേക്ഷ രാഷ്ട്രീയം കേരളത്തിന് അന്വമാകുന്നുവോ ?

- ചെറുകര സണ്ണീലൂക്കോസ്

ഇഎം.എസ് നമ്പൂതിരിപ്പാട് രചിച്ച "മതനിരപേക്ഷതയുടെ പ്രശ്നങ്ങൾ' എന്ന ഗ്രന്ഥം ഇംഗ്ലീഷിൽ നിന്ന് മലയാളത്തി ലേക്ക് വിവർത്തനം ചെയ്ത കോപ്പി ചിന്ത പബ്ലിഷേഴ്സ് ആദ്യമായി പ്രസിദ്ധീകരിക്കു ന്നത് 1991 മാർച്ചിലാണ്. അതിലാണ് ഇ.എം.എസ് നമ്പൂതിരിപ്പാടിന്റെ മതനിരപേ ക്ഷതയെ കുറിച്ചുള്ള പ്രസിദ്ധമായ നിർവ ചനം: "മതനിരപേക്ഷതയെന്നാൽ മതത്തെ രാഷ്ട്രീയത്തിൽ നിന്നും പൂർണ്ണമായി വേർപെടുത്തുകയെന്നാണർത്ഥം. മതം അതിൽ വിശ്വസിക്കുന്നവരുടെ വ്യക്തിപര മായ കാര്യം മാത്രമാണ്.

അതേ പുസ്തകത്തിൽ വർഗ്ഗീയതയുടെ നിർവചനവും ഇ.എം.എസ് പറയുന്നുണ്ട്. ഏതെങ്കിലും ഒരു സമുദായത്തിന്റെ മതപരമായ ആശയങ്ങളും ആചാരാനുഷ്ഠാനങ്ങളും വിദ്യാ ഭ്യാസം, ഭരണം, രാഷ്ട്രീയം എന്നിവയി ലേക്ക് കടത്തിവിട്ടുകൊണ്ട് മത രാഷ്ട്രീയമായി കൂട്ടിക്കുഴയ്ക്കുക എന്നാണതിനർത്ഥം.

അതുപ്രകാരം വിലയിരുത്തിയാൽ ബി.ജെ.പി സ്വയം ഒരു വർഗ്ഗീയ പാർട്ടിയാണ് എന്നതിൽ ബി.ജെ.പിക്കുപോലും തർക്കമു ണ്ടാകില്ല. വർഗ്ഗീയതയ്ക്കെതിരായി മതനി രപേക്ഷതയ്ക്കുവേണ്ടി വിട്ടുവീഴ്ചയി ല്ലാതെ പോരാടുന്നത് തങ്ങളാണെന്ന് 1991 ൽ സി.പി.ഐ(എം) അവകാശപ്പെട്ടാൽ പരിഹസിക്കപ്പെടില്ലായിരുന്നു. എന്നാലിന്ന് ഒരു വശത്ത് ഈ അവകാശവാദം നിര ന്തരം ഉന്നയിച്ചുകൊണ്ട് മറുവശത്ത് വർഗ്ഗീ യതയോട് കനത്ത വിട്ടുവീഴ്ചകൾ സി.പി.എം അടക്കം മതനിരപേക്ഷ പാർട്ടിയെ ന്നവകാശപ്പെടുന്നവരെല്ലാം ചെയ്യുന്നുവെ ന്നത് കേരള രാഷ്ട്രീയം നിരീക്ഷിക്കുന്ന ആർക്കും മനസ്സിലാക്കാനാവും.

മറ്റ് സംസ്ഥാനങ്ങളിൽ നിന്ന് വ്യത്യ സ്തമായി മതനിരപേക്ഷ രാഷ്ട്രീയം താര തമ്യേന മെച്ചപ്പെട്ട സംസ്ഥാനം എന്ന ഖ്യാതി കേരളത്തിന് നേടിയെടുക്കാനാ യത് ശക്തമായ സാമൂഹിക നവോത്ഥാന പ്രസ്ഥാനങ്ങളും പുരോഗമനരാഷ്ട്രീയവും കണ്ണിചേർന്നാണ്. സ്വാതന്ത്ര്യാനന്തരമുള്ള ആദ്യ ഒന്നുരണ്ട് പതിറ്റാണ്ടുകളിൽ ജനാ ധിപത്യവൽക്കരണത്തിന്റെയും രാഷ്ട്രീയ വൽക്കരണത്തിന്റെയും പാതയിൽ കേരളം വളരെ മുമ്പിലായിരുന്നു. കേരളീയസ മൂഹം ജാതിമത ചിന്തകൾക്കതീതമായ രാഷ്ട്രീയവൽക്കരണത്തെ വ്യാപകമായ സാമൂഹിക അടിസ്ഥാനമാക്കി മാറ്റി.