വ്യാജഡോക്ടർമാർ പെരുകുന്നു! ശിക്ഷ അനുഭവിക്കുന്നവർ കുറയുന്നു!

പത്തുലക്ഷം വ്യാജന്മാർ ഡോക്ടർമാർ ഇന്ത്യയിലുണ്ടെന്നാണ് കണക്കുകൾ കാണിക്കുന്നത്

- ഡോ.കെ.പി. പൗലോസ്

കഴിഞ്ഞ ഒക്ടോബർ 12-ാം തീയതി പത്തനംതിട്ട കൈപ്പട്ടൂർ എ.എം. ആർ ഹോസ്പിറ്റലിൽ സംശയത്തിന് ഇടയാകാത്തവിധം രോഗികളെ പരിശോധിച്ച് മരുന്നുകൾ നിർദ്ദേശിച്ചിരുന്ന മിസ്. നബീസയെ പൊലീസ് അറസ്റ്റ് ചെയ്ത വിവരം വായനക്കാർ ഓർക്കുമല്ലോ. ലൈസൻസില്ലാതെ പ്രവർത്തനം നടത്തിയ ആശുപത്രി പൂട്ടി. ആശുപത്രി ഉടമയുടെ പേരിൽ കേസും പഞ്ചായത്ത് അധികൃതർ എടുത്തിട്ടുണ്ട്. അതുപോലെ സെപ്തംബർ 13-ാം തീയതി (2024) കോഴിക്കോട് കടലുണ്ടിയിൽ നിന്നും അറസ്റ്റു ചെയ്ത തിരുവല്ലാക്കാരൻ അബു എബ്രഹാം ലൂക്കിന്റെ കഥയും വ്യത്യസ്തമല്ല. ആർ.എം.ഒ. ആയി നാലു കൊല്ലം ജോലി ചെയ്തിരുന്നു. മിസ്റ്റർ അബു എബ്രഹാം. നെഞ്ചുവേദനയെത്തുടർന്ന് ആശുപത്രിയിൽ വന്ന അറുപതു വയസ്സുകാരൻ വിനോദ്കുമാറിനെ, ആർ.എം.ഒ. ചികിത്സിച്ച് 30 മിനിട്ടിനുള്ളിൽ മരണമടഞ്ഞപ്പോഴാണ് പൊതുജനങ്ങൾക്ക് സംശയം തോന്നിയത്.