ઊડતી નજર ઘર-બહારની ઘટનાઓનું અવલોકન

જો પુરુષોની સમકક્ષ આઝાદી જોઈએ

૪ જૂન, ૨૦૨૪ના રોજ ચોંકાવનારાં પરિણામ આવતા તે ભક્ત, સવર્ણ, ઉચ્ચ જાતિની મહિલાઓએ ખુશી ઊજવવી જોઈએ જે દિવસે કલાકો પૂજાપાઠમાં વ્યસ્ત રહે છે, વ્રતઉપવાસ કરે છે, ભજનકીર્તન ગાય છે, રસ્તા પર કળશ માથા પર મૂકીને ગરમી, વરસાદ, ઠંડીમાં ચાલે છે, પતિને પરમેશ્વર માને છે. ખુશી એટલે ઊજવવી જોઈએ કે તેમનાં મન પર બંધાયેલ અને દરરોજ નવીનવી બંધાતી બેડીનાં રણકારના મૂળની નીચેથી થોડીક જમીન ખસી છે.

આ મહિલાઓ એમ તો સ્વયંને ધન્ય માને છે કે તેમને પૂજાપાઠની તક મળે છે, ભગવાનનાં દર્શન થાય છે, માતાની ચોકી પર પ્રસાદ મળે છે, પ્રવચનોમાં કલાકો બેઠા પછી સ્વામીના ચરણ સ્પર્શ કરવાની તક મળે છે. હકીકતમાં આ બધું માનસિક ગુલામીના કારણે મહિલાઓ કરે છે અને લગભગ દરેક એસ્ટેબ્લિશ્ડ ધર્મમાં એવું થાય છે.

જે પ્રચારતંત્રથી ભારતીય જનતા પાર્ટીએ દેશમાં પોતાની પકડ બનાવી હતી, તેનાથી કેટલીય વધારે પકડ પાર્ટીને ચલાવતી પેઢીઓએ સદીઓથી સવર્ણ મહિલાઓ પર જાળવી રાખી હતી. જ્યારથી રામમંદિરનો મુદ્દો લઈને ભારતીય જનતા પાર્ટીએ ધારાસભ્ય અને સાંસદ બનાવવાના શરૂ કર્યા ત્યારથી ઉચ્ચ જાતિઓની શિક્ષિત, પૈસાવાળી, માતાપિતાની લાડકી સેલ્ફકોન્ફિડેંટ મહિલાઓએ પણ ધર્મની બેડીઓ નવી નવી રીતે પહેરાવવાની શરૂ કરી છે.

વોટ્સએપ, ફેસબુક, ઈન્ટરનેટ, ઈન્સ્ટાગ્રામ, ટ્વિટરનો જોરદાર ન ઉપયોગ કરીને સત્તામાં આવતા જ આ મહિલાઓને પાછી પૌરાણિક કાળમાં લઈ જવાની તૈયારી શરૂ થઈ ગઈ. મોડર્ન એજ્યુકેશન અને શહેરી વાતાવરણના લીધે આ મહિલાઓ દેખાડો તો સ્વતંત્રનો કરતી હતી પણ તેમને જે ભણાવવા, સંભળાવવા અને બતાવવામાં આવતું હતું, તેમાં તે પૌરાણિકતા ભરેલી હતી જે સતી સાવિત્રી, દ્રૌપદી, દમયંતી, શકુંતલામાં હતી.

આ મહિલાઓમાંથી અનેકને તો અંગ્રેજીમાં પૌરાણિક જ્ઞાન પીરસવામાં આવ્યું. એરકંડિશંડ હોલમાં પ્રવચન અને ભજન કાર્યક્રમ કરાવવામાં આવ્યા, હાઈટેક દેવીદેવતા પ્રસ્તુત કરવામાં આવ્યા કારણ કે આ બધા પાછળ સરકારનો સપોર્ટ અને ફાઈનાન્સ જ કારણ છે કે આજની શિક્ષિત યુવતીઓ પણ ખૂબ ગૂંગળામણભર્યા વાતાવરણમાં પતિ અને બાળકોમાં ગૂંચવાઈ રહે છે.

ભગવા સરકારે મંદિરોની કાયાપલટ કરી દીધી જેથી મહિલાઓ ઘરમાંથી બહાર નીકળીને મંદિર સાથે બનેલી રેસ્ટોરન્ટમાં ભોજન કરી શકે, હોલમાં કીર્તન કરી શકે, માર્બલની ફરસ પર બેસીને ધ્યાન કરી શકે.