மாதவன் ஏமாந்தான்

இஞ்சாருங்கோ எந்த துணிவிலே எங்கட மகளின்ட கர்ப்பப்பை குழாயை,  ஃப்லோபியன் டியுப்) கட்டிப்போட்டு வந்தால்தான் இந்தக் கல்யாணம் நடக்கும் என்று சொல்லுவினம்," என மன ஆதங்கத்தோடு கேட்டாள் மகாலஷ்மி.

- தேவகி கருணாகரன்

"மகா, எங்கட மகள் சித்ராவுக்கு முப்பத்திரண்டு வயதாகிவிட்டது. அவளுக்கு ஏழாம் வீட்டிலே சனி. அவளின்ட சாதகத்தோடு, அருமையாக ஒன்று இரண்டு சாதகம்தான் பொருந்தும். இந்த மாப்பிள்ளையின் சாதகத்தோடு எங்கள் மகளின்ட சாதகம் நல்லா பொருந்துதாம் என்கிறார் தரகர் சங்கரன். அதுவும் சும்மாவா! அவுஸ்திரேலியா மாப்பிள்ளை அல்லவோ. அங்கே நல்ல உத்தியோகம், கைநிறைய சம்பாதிக்கிறார். மனைவி இறந்து மூன்று வயதுக் குழந்தை இருப்பதால், அந்த பிள்ளைக்கு ஒரு தாயும். தனக்கும் ஒரு துணையும் வேணுமென்று தான் இரண்டாந்தாரமாக ஒரு பெண்ணைக் கட்ட விரும்புகிறார் என்று தரகர் சொல்லுறார்," என்றார் அவள் கணவர் மகாலிங்கம்.