துஷ்டி வீட்டுக்குப் போனவன்

"பின்பு, பரலோகத்திவிருத்து ஒரு சத்தம்‌ உண்டாகக்‌ கேட்டேன்‌; அது கர்த்தருக்குள்‌ மரிக்கிறவர்கள்‌ இது முதல்‌ பாக்கியவான்சள்‌ என்றெழுத;:

- ஸ்ரீவில்லிபுத்தூர் எஸ். ரமேஷ்

அவர்கள்‌ தங்கள்‌ பிரயாசங்களை விட்டொழித்து இளைப்‌பாறுவார்கள்‌; அவர்களுடைய கிரியைகள்‌ அவர்களோடே கூடப்பேரம்‌."

- புதிய ஏற்பாடு வெளிப்படுத்தின விசேஷம்‌ 14:19

நேற்று காலை என்‌ தினசரி வழமை போல அதிகாலை மூன்று மணிக்கு எழுந்திருந்து, அன்றைய தினம்‌ நீதிமன்றத்திற்குத்‌ தேவையான மனுக்களை கணினியில்‌ தட்டச்சு செய்து முடித்துவிட்டு, அவற்றை எனது அறையிலுள்ள சிறிய அச்சு இயந்திரத்தில்‌ அச்சடித்து விட்டு, ஒரு நிம்மதிப்‌ பெருமூச்சை வெளியே விட்டுவிட்டு, தலை நிமிர்ந்து கடிகாரத்தைப்‌ பார்த்த போது மணி ஏழரை.

அவசர அவசரமாக எனது தனி அறையை விட்டு வெளியே வந்து, கொல்லைப்புறத்திற்குப்‌' போய்‌ ஒரு குவியலைப்‌ போட்டுவிட்டு, கண்ணாடியின்‌ முன்னே நின்றுகொண்டு, எண்ணை பூசி, தலை வாரிக்கொண்டிருந்த போது, வீட்டிற்கு வெளியே பக்கத்து வீட்டுப்‌ பெண்ணோடு பேசிக்கொண்டிருந்த அடியேனின்‌ தர்ம பத்தினி சீர்வளர்சீர்‌ இருமதி. ரோகினி அம்மையார்‌ அவர்கள்‌, அவசர அவசரமாக உள்ளே வந்து, "ஏங்க, எனக்கு இப்பத்தான்‌ விஷயம்‌ தெரிஞ்சது. நம்ம ஆண்டாள்‌ கோவில்‌ மணியக்காரர்‌ வெங்கடேசனோட பெரியம்மா இன்னிக்கு பரமபதிச்சுட்டாங்களாம்‌. நம்ம வீட்டு சார்பா, நீங்க போயி துக்கம்‌ விசாரிச்சுட்டு வந்துருங்க.

"எப்ப நடந்தது?"

"நேத்து நைட்டு தான்‌. ஆனா, இப்பத்தான்‌ எனக்கு தெரிய வந்தது."

"சரி, பின்புறக்‌ கொல்லைப்புறக்‌ கதவை இறந்து வைங்க. நான்‌ போயி துக்கம்‌ விசாரிச்சுட்டு பின்வழியா வந்து குளிச்சுக்கறேன்‌" என்று சொல்லிவிட்டு, வீட்டைவிட்டு வெளியேறுகிறேன்‌. துஷ்டி வீட்டுக்குப்‌ போய்விட்டு வந்ததும்‌, வீட்டுக்குப்‌ பின்புறம்‌ அல்லது வெளியே நின்று குளிக்க வேண்டும்‌ என்பது நியதி.