பிரேசில் 'ஜி-20' மாநாட்டில் உலகத் தலைவர்களுடன் மோடி பேச்சுவார்த்தை!

ஜோபைடனைத் தொடர்ந்து இங்கிலாந்து, பிரான்சு, இத்தாலியத் தலைவர்களுடன் தனித்தனியாக சந்திப்பு!!

- 

பிரேசில் நாட்டில் நடந்து வரும் ஜி-20 உச்சி மாநாட்டில் பங்கேற்றுள்ள பிரதமர் மோடி பிற தலைவர்களையும் தனித்தனியாக சந்தித்துப் பேசினார். அந்த வகையில் அமெரிக்க அதிபர் ஜோபைடனைத்தொடர்ந்து இங்கிலாந்து, பிரான்ஸ், இத்தாலி உள்ளிட்ட நாடுகளின் தலைவர்களுடன் முக்கிய பேச்சுவார்த்தை நடத்தினார்.

அப்போது வர்த்தகம் மற்றும் உலக உறவுகள் குறித்து விவாதித்தார். உலக அளவில் பொருளாதாரத்தில் மிகுந்த வளர்ச்சியடைந்த நாடுகளின் பட்டியலில் அமெரிக்கா, கனடா, இங்கிலாந்து, பிரான்ஸ், ஜெர்மனி, இத்தாலி, ஜப்பான் ஆகிய 7 நாடுகள் உள்ளன. இவை அனைத்தும் இணைந்து ஜி-7 என்ற அமைப்பை ஏற்படுத்தி உள்ளன. அதைப்போல மேலும் பல உலக அமைப்புகள் உள்ளன.

அவற்றில் ஒன்று ஜி-20 ஆகும். இதில் வளர்ந்த மற்றும் வளர்ச்சியடைந்து வரும் நாடுகள் அங்கம் வகிக்கின்றன. அதாவது 19 நாடுகளும், ஐரோப்பிய யூனியன் அமைப்பும் இடம்பெற்றுள்ளன. இந்த அமைப்பானது 1999-ஆம் ஆண்டு தோற்றுவிக்கப்பட்டது. இருந்தாலும் 2008 முதல் ஆண்டுதோறும் உச்சிமாநாட்டை நடத்தி வருகிறது.