கெட்ட பழக்கத்தை கைவிட்ட ஷேரா

அது ஒரு டிசம்பர் மாதம், சந்தன் வானில் குளிர்ச்சி நிலவியது. அந்த வனத்தில் பிரதமர் ஷேராவின் ஆட்சி நடந்தது.

- டாக்டர் அல்கா ஜெயின்

வனத்தில் உள்ள விலங்குகள் அவர் ஆட்சியில் சிறப்பாக வாழ்ந்து வந்தன. இந்த நிலையில் ஷேராவிடம் நல்ல விலை உயர்ந்த வெல்வெட் மெத்தை இருந்தது. அது மழைக் காலத்தில் ஈரத்தில் நனைந்து வீணாகி விட்டது. அதன் மீது பூஞ்சை கறை படிந்து இருந்தது.

எனவே அதைக் கண்டதும் தன் உதவியாளர் பென்னி கரடியை அழைத்தார். பின்னர் கரடியிடம், "இந்த மெத்தையை வெயிலில் காயப்போடு. அதன் பிறகு, நீனே அதை வைத்துக் கொள் அப்புறம் எனக்கு ஒரு மெத்தை புதுசா தயாரிக்கணும்.உடனே ஜம்பு ஒட்டகச்சிவிங்கி கூப்பிட்டு வா. அது தயாரிக்கும் மெத்தைக்குத்தான் இப்போ கடும் கிராக்கி இருக்குது!'

அதைக் கேட்ட பென்னி கரடி, "ஐயா, இந்த மெத்தையை போன வருஷம்தான் வாங்கினோம். அதனால அதை எளிதாக சுத்தம் செய்ய முடியும், அதுவே நன்றாக இருக்கும். நீங்க தாராளமா அதைப் பயன்படுத்தலாம்" என்று கூறியது.

இருந்தாலும் ஷேரா "எனக்கு புதுசா மெத்தை வாங்கணும்னு ஒரு ஆசை குறிப்பா ஜம்பு தயாரிக்கும் மெத்தை ஏன் மிகவும் பிரபலமாக இருக்குன்னு பார்க்க ஆர்வமாக இருக்கேன்'' என்று கூறியது.

சிறிது நேரம் கழித்து, ஜம்பு ஒட்டகச்சிவிங்கி அங்கே வந்தது. அது பிரதமர் ஷேராவிடம் தனது குடோனின் சிறப்புகளை விளக்கியது. "ஐயா நான் தயார் செய்யும் மெத்தைக்கு தனி சிறப்பு உண்டு. அதைப் பயன்படுத்துபவர்கள் ஆழ்ந்த உறக்கத்தில் மூழ்கி விழுவார்கள், அவர்களின் சோர்வு நிமிடத்தில் பறந்து விடும்” என்று விளக்கியது.

அதற்குப் பதிலளித்த ஷேரா, "ஓ! நான்

ரொம்ப நாளா தூங்க முடியாம தவித்துக் கொண்டிருக்கிறேன்.

குளிர் காலத்தில் தூங்குவது அற்புதமானது, எனக்கு நீ தயாரிக்கும் மெத்தை எனக்கு உதவியாக இருக்கும்!" என்று கூறியது.