સોશિયલ મીડિયા.

લગ્ન... જાણે નેટફ્લિક્સની સિરીઝ

- શૈશવ વોરા

કેટલાક દિવસથી સોશિયલ મીડિયામાં અનંત અંબાણીનાં લગ્નની ક્લીપો બજારમાં ફરતી થઈ છે અને જે કોઈ સોશિયલ મીડિયા ખોલીએ છીએ એમાં બસ અંબાણી જ અંબાણી છવાયેલા છે.

અદભુત લગ્ન...

મહિનાઓ પહેલાં; લગભગ શિયાળે સોરઠ ભલો કર્યું, તે છેક ચોમાસે દેવપોઢી આવે એ પહેલાં પાર્ટી ફેરા ફરી..!

અસરો શું સમાજમાં પડશે?

લાંબા લાંબા લગ્ન મહોત્સવો ચાલશે?

ના, એ તો ખિસ્સામાં કુકા હોય એ ચલાવે જ છે,

પણ હવે સિઝન સિઝનનાં ફંક્શનો આવશે..!

હવે થશે એવું કે શિયાળે ભારત ભલું, ઉનાળે યુરોપ, ચોમાસે અમેરિકા ભલું ને મેક્સિકો બાર માસ રે..!

એનઆરઆઈ માટે નવું મળ્યું.. શિયાળે આવીને એક પ્રિ-વૅડિંગ ઇન્ડિયામાં કરી જવાનું અને પછી ઉનાળે યુરોપમાં, જો વધારે છલકાતા હોય તો પછી અમેરિકામાં અને છેલ્લે મેક્સિકો જઈને પરણી આવવાનું, એટલે પાર આવે..!

મારા તમારા જેવા માટે અનંત અંબાણીનાં લગ્ન એ નેટફ્લિક્સની સિરીઝ થઈ ગઈ. એક પછી એક પછી એક પછી એક પછી એક પછી એક....કંઈક નવું આવ્યા જ કરે માળુ..!