തടിച്ച സൂര്യമണ്ഡലം ഭാഗ്യശാലികൾക്ക്

തടിച്ചു ചുവന്ന സൂര്യമണ്ഡലമുള്ളവർ പ്രതാപശാലികളും സമൂഹത്തിൽ സ്ഥാനവും പ്രസക്തിയും അംഗീകാരങ്ങളും നേടുന്നവരും ആയിരിക്കും. എന്നാൽ അമിതമായി ഉയർന്ന സൂര്യമണ്ഡലം അഹങ്കാരം തൻപ്രമാണിത്വം എന്നിവ കാട്ടും. നല്ല സൂര്യമണ്ഡലത്തിന് നേരെ ശനി മണ്ഡലത്തിന് ചായ്വ് വന്നാൽ സ്വന്തം വേദനകൾ ഒളിപ്പിച്ചു മറ്റുള്ളവരെ സന്തോഷിപ്പിക്കാൻ കഴിവുണ്ടാകും

- മലയിൻകീഴ് കെ.പുരുഷോത്തമൻ

ശുക്രൻ വ്യാഴൻ, ശനി എന്നീ ഗ്രഹങ്ങളെപ്പോലെ പ്രധാനമാണ് സൂര്യമണ്ഡലവും. പ്രസ്തുത മണ്ഡലവുമായി ബന്ധപ്പെട്ട് വരുന്ന രേഖകളെ ക്കുറിച്ചും അതിന്റെ ഫലങ്ങളും അനുഭവങ്ങളും മറ്റു മണ്ഡലങ്ങളുടെ സ്വാധീനവുമാണ് ഇക്കുറി പറയുന്നത്. 

മോതിരവിരലിന്റെ തൊട്ടുതാഴെ തുലാം രാശിയിലാണ് സൂര്യമണ്ഡലം. മേടം രാശിയിൽ സൂര്യൻ ഉച്ചനായി നിൽക്കുന്ന ജാതകർക്ക് ജ്യോതിശാസ്ത്രപരമായും ഹസ്തരേഖാ ശാസ്ത്രപരമായും വളരയധികം പ്രാധാന്യമുണ്ട്. സൗരയൂഥത്തിൽ സൂര്യൻ പ്രഥമസ്ഥാനീയനാണ്. മറ്റു ഗ്രഹങ്ങളു ടെ നിലനിൽപ്പിനും സൂര്യൻ തന്നെയാണ് ആ ധാരം. ഈ സൗരയൂഥത്തിലുള്ള എല്ലാത്തിനെയും നിയന്ത്രിക്കുന്നതും സൂര്യനാണ്. കാറ്റ് ഊർജ്ജം, വെളിച്ചം, ഇരുട്ട്, നിലാവ്, മഴ, മഞ്ഞ്, തുടങ്ങി ഏ തവസ്ഥയ്ക്കും കാരണഭൂതനും സൂര്യനാണ്. സൂര്യൻ മേടം രാശിയിൽ ഉച്ചനായി നിൽക്കുമ്പോൾ ജനിക്കുന്ന കുഞ്ഞുങ്ങൾക്ക് നല്ല ബുദ്ധിയും ശ ക്തിയും തേജസ്സും കാണും. ഇവർ ഭരണചക്രം തിരിക്കാൻ വരെ യോഗമുള്ളവരാകും. ഹസ്തരേഖയിൽ സൂര്യമണ്ഡലം ഉയർന്നു കണ്ടാലും അതിന്റെ മുകളിൽ നടുവിരലിനോടു ചേർന്ന ഒന്നിൽ കൂടുതൽ രേഖകൾ കണ്ടാലും ആ വ്യക്തി രാജ തുല്യമായി ജീവിക്കുന്നതിന് തന്ത്രവും ഭാഗ്യവും അറിവും ഉള്ളവരായിത്തീരും. മന്ത്രിമാർ, ഉദ്യോഗ സ്ഥപ്രമുഖർ, പ്രശസ്ത നിയമജ്ഞർ, ഡോക്ടർമാർ, എഞ്ചിനീയർമാർ, ഐ.എ.എസ്, ഐ.എഫ്.എസ്, ഐ.പി.എസ് ഉദ്യോഗസ്ഥർ തുടങ്ങിയവർക്ക് സൂ ര്യമണ്ഡലം ഉയർന്നും അവിടെ ചന്ദ്രക്കല പോലെയുള്ള രേഖയും ഉണ്ടാകും.