ക്ലേശങ്ങൾ അകറ്റാൻ ലളിതാസഹസ്രനാമം

ആദിപരാശക്തിയായ ദേവിയുടെ ആയിരം പേരുകൾ ഉൾക്കൊള്ളു ന്നതാണ് ലളിതാസഹസ്രനാമം. ഓരോ നാമത്തിനും ഓരോ അർത്ഥവുമുണ്ട്

അത്ഭുതശക്തിയുള്ള സ്തോത്രമാണ് ലളിതാ സഹസ്രനാമം. ലളിതാ സഹസ്രനാമ പാരായണം ഐശ്വര്യം, ആഗ്രഹസാഫല്യം,മോക്ഷം എന്നിവ ലഭിക്കുവാനും ദുരിതമോചനത്തിനും ഉത്തമമാണ്. പതിവായി ലളിതാസഹസ്രനാമം ജപിക്കുന്നവർക്ക് വലിയ ഫലങ്ങളാണുണ്ടാകുന്നത്. ആദിപരാശക്തിയായ ദേവിയുടെ ആയിരം പേരുകൾ ഉൾക്കൊള്ളുന്നതാണ് ലളിതാസഹസ്രനാമം. ഓരോ നാമത്തിനും ഓരോ അർത്ഥവുമുണ്ട്.

ആദിപരാശക്തിയുടെ മാതൃസ്വരൂപത്തിനെ വർണിക്കുക അസാധ്യമാണ്. മക്കളുടെ വിഷമഘട്ടത്തിൽ അമ്മ ഓടിവന്നു സമാധാനിപ്പിക്കുന്നത് പോലെ ഭക്തരുടെ ക്ലേശം കണ്ടറിഞ്ഞു ശാന്തി വരുത്തും. മാതൃപൂജ ഒരു വ്യക്തിയുടെ സകലപാപങ്ങളെയും കഴുകിക്കളയുന്നു. ദേവിയുടെ രൂപ ഭാവഗുണങ്ങൾ വർണ്ണിക്കുന്ന ഈ സ്തോത്രത്തിലെ ഓരോ നാമവും ഓരോ മന്ത്രങ്ങളാണ്. മറ്റ് സഹസ്രനാമങ്ങളിൽ നിന്നെല്ലാം വ്യത്യസ്തമായി ലളിതാസഹസ്രനാമത്തിലെ ഒരു നാമം പോലും ആവർത്തിക്കപ്പെടുന്നില്ല.