കോൺട്രാക്ടറെ ഏൽപിക്കുമ്പോൾ

വീടുപണി കരാറുകാരനെ ഏൽപിക്കുന്നതിന് മുമ്പും ശേഷവും ശ്രദ്ധിക്കേണ്ട കാര്യങ്ങളിതാ...

ഓരോ ഘട്ടവും തൊഴിലാളികളെ ഏൽപിച്ച് ആവശ്യമായ സാധനങ്ങൾ വാങ്ങിക്കൊടുത്ത് വീടുപണി/നവീകരണ പ്രവൃത്തി ചെയ്യിക്കാൻ സമയമില്ലാത്തതിനാലും അതിന്റെ റിസ്ക് ആലോചിച്ചും പലരും കോൺട്രാക്ടറെ ഏൽപിക്കുകയാണ് ചെയ്യുന്നത്. വീടുപണി മൊത്തമായി ഒരു കോൺട്രാക്ടറെ ഏൽപിക്കുന്നവരും ഓരോ ഘട്ടവും വ്യത്യസ്ത കോൺട്രാക്ടർമാരെ ഏല്പിക്കുന്നവരുമുണ്ട്. നമ്മുടെ സൗകര്യമനുസരിച്ച് ഇതിൽ ഏതു വേണമെന്ന് തീരുമാനിക്കാം.

ലേബർ കോൺട്രാക്ട്

നിർമാണസാമഗ്രികൾ ഉടമ സൈറ്റിലെത്തിച്ച് നൽകി, പണിക്കൂലി മാത്രം നൽകുന്ന രീതിയാണ് ലേബർ കോൺട്രാക്ട്, പണിക്കാരുടെ കൂടെനിന്ന് മുഴുവൻ സമയം നിയന്ത്രിക്കാൻ സാധിക്കുമെങ്കിൽ ഈ രീതി അവലംബിക്കാം.

ഫുൾ കോൺട്രാക്ട്

നിർമാണ സാമഗ്രികളും ലേബർ കോസ്റ്റു മെല്ലാം ചേരുന്നതാണ് ഈ കോൺട്രാക്ട്. സ്ക്വയർഫീറ്റ് നിരക്കിൽ മുഴുവൻ ജോലികളും ഉൾപ്പെടുന്ന കോൺട്രാക്ടും പീസ് വർക്ക് നിരക്കിൽ നിർമാണസാമഗ്രികളും ലേബർ കോസ്റ്റും ചേർത്ത് ഓരോ പണിയും പൂർത്തിയാകുമ്പോൾ അതത് ഘട്ടങ്ങളിൽ ക്യുബിക്കടി സ്ക്വയർ ഫീറ്റ് റണ്ണിങ് ഫീറ്റ് നിരക്കിൽ അളന്ന് കണക്ക് തീർത്തുപോകുന്ന കോൺട്രാക്ടുമാണ് ഇതിൽപെടുന്നത്.

വിവിധ തരത്തിലുള്ള കോൺട്രാക്ടുകളിൽ നമുക്ക് അനുയോജ്യമായത് ഏതാണെന്ന് ഡിസൈനറുമായി കൂടിയാലോചിച്ച് തീരുമാനിക്കാം.

കൃത്യമായ കരാർ