શક્તિપાત એટલે?

સ્વામી લક્ષ્મણનું કહેવું હતું કે જો શક્તિપાત થયો હોય તો ઈશ્વરના ચૈતન્યમાં પ્રવેશ મળે. ઈશ્વરના ચૈતન્યમાં પ્રવેશ મળ્યો હોય તો સાબિત થાય કે શક્તિપાત થયો છે હનુમાનજી અષ્ટ સિદ્ધિ 'ને નવ નિધિના દાતા કહેવાય છે, છતાં સૌ જાણે છે કે એમનું ધ્યાન કેવળ શ્રીરામમાં. આખું વિશ્વ એનર્જીથી ચાલે છે. નાનામાં નાની રજમાં એનર્જી છે

- ગૌરાંગ અમીન

જીવની પોતાની શક્તિ હોય તો એ કોઈને આપી શકે

શિવની પોતાની શક્તિ છે એટલે એ પોતે રાખી શકે

શક્તિપાત શબ્દનો અર્થ આપણા ગુજરાતી શબ્દકોશ મુજબ થાય છે યૌગિક શક્તિનું સામેની વ્યક્તિમાં સ્થાપન. છેલ્લાં ઘણાં વર્ષોથી વિવિધ આશ્રમ ’ને યોગની શિબિર વડે શક્તિપાત શબ્દ ફેમસ તેમ જ પોપ્યુલર થયો છે. ઘણા લોકોનાં મન ’ને મગજ શક્તિપાતનો એક અર્થ એવો કાઢે છે કે તે ક્રિયામાં આધ્યાત્મિક ઉચ્ચ અવસ્થાએ પહોંચેલા ગુરુ તેમના શિષ્ય કે સમર્થકને શક્તિનું દાન કરે છે ’ને તે પછી એ માણસ પ્રગતિ કરે છે. અમુકના મતે શક્તિપાત પ્રાપ્ત કરનારમાં અમુક કે તમુક કે પ્રકારની શક્તિ આવે છે. એવો શક્તિપાત સમૂહને પ્રદાન કરવાની ક્રિયાનું આયોજન પણ કરવામાં આવે છે. એ શક્તિપાતથી સંસારી એટલે કે ભૌતિક જીવનમાં લાભ થાય છે એવો ઘણા દાવો કરે છે. હિન્દુ સિવાયની પરંપરામાં પણ એવા શક્તિપાત પ્રકારની પ્રોસેસનાં વધામણાં થાય છે. ખેર, એવા શક્તિપાત વડે સંસારના મિથ્યાત્વ ’ને બ્રહ્મનો સાક્ષાત્કાર થતો હોય એવું ખાસ દેખાતું નથી. સામે ભૂતકાળમાં રામકૃષ્ણ પરમહંસ ’ને અન્ય ઘણા માસ્ટર હતા 'ને વર્તમાનમાં શ્રી એમ ’ને અન્ય ઘણી હસ્તીઓ છે, જેમના ઉપદેશ ’ને જીવનમાં ‘એવા સંસારી શક્તિપાત દેખાતા નથી. આવો આપણે ભારતના અત્યંત જૂના શિવમાર્ગમાં શક્તિપાતનો અર્થ શું છે એ જાણવાનો પ્રયત્ન કરીએ.