યશસ્વીની ધમાલ જારી, રોહિત શર્મા સદી ચૂક્યોઃ વિરાટ ૨૯મી સદીથી ૧૩ રન દૂર

ત્રિનિદાદ ટેસ્ટમાં ટોસ હાર્યા બાદ ભારતે પ્રથમ દિવસે ચાર વિકેટે ૨૮૮ રન ખડક્યા

ત્રિનિદાદ, શુક્રવાર:

ટીમ ઇન્ડિયાના કેપ્ટન રોહિત શર્મા, યુવા ઓપનર યશસ્વી જયસ્વાલ અને અનુભવી વિરાટ કોહલીની વિન્ડીઝ સામેની બીજી ટેસ્ટમાં પણ ધમાલ જારી છે. ટીમ ઇન્ડિયાએ પોર્ટ ઓફ સ્પેન ટેસ્ટમાં પ્રથમ દિવસે ચાર વિકેટે ૨૮૮ રનનો સ્કોર ખડકી દીધો છે. દિવસની રમત બંધ રહી ત્યારે વિરાટ કોહલી ૮૭ ૨ને અને રવીન્દ્ર જાડેજા ૩૬ ૨ને બેટિંગ કરી રહ્યા છે. આ બંને ખેલાડી વચ્ચે અત્યાર સુધીમાં ૧૦૬ રનની ભાગીદારી નોંધાઈ ચૂકી છે. હવે આજે ટેસ્ટ મેચના બીજા દિવસે ભારતની નજર મોટો સ્કોર ખડકીને વિન્ડીઝને દબાણમાં લાવવા પર રહેશે.