ഭീഷണിയിൽഭയക്കേണ്ട കൂടെയുണ്ട് പൊലീസ്

മൊബൈൽ ഫോൺ കയ്യിലുള്ളവരെല്ലാം ഈ മുൻകരുതലുകൾ അറിഞ്ഞിരിക്കണം. തട്ടിപ്പുകൾ പൊലീസിൽ അറിയിക്കണം

- കെ. കാർത്തിക് ഐപിഎസ് ജില്ലാ പോലീസ് മേധാവി, കോട്ടയം

കഴിഞ്ഞ ദിവസം എന്റെ ഫോണിലേക്ക് കോട്ടയത്തെ മുൻകലക്ടർ വിഘ്നശ്വരിയുടെ വാട്സാപ് സന്ദേശം. “ഹായ് ഹൗ ആർ യു' കലക്ടറുടെ തന്നെ ഫോട്ടോയാണു പ്രൊഫൈലിൽ കാണുന്നത്. അങ്ങനെയൊരു നമ്പറിൽ നിന്നു മെസേജ് അയയ്ക്കില്ല എന്നുറപ്പുള്ളതുകൊണ്ടു സംഗതി തട്ടിപ്പാണെന്നു മനസ്സിലായി. ജില്ലാ പൊലീസ് മേധാവിയെ പോലും സൈബർ തട്ടിപ്പിനായി വിളിക്കുക, അതുവരെ ഇക്കാലത്തു സംഭവിക്കുന്നുണ്ട്.

തട്ടിപ്പിൽ പെടാതിരിക്കാനുള്ള മുൻകരുതലും ഒപ്പം തട്ടിപ്പിനിരയായാൽ ഉടൻ ചെയ്യേണ്ട കാര്യങ്ങളും എല്ലാവരും എപ്പോഴും ഓർത്തിരിക്കണം. എല്ലാവരും എന്നു പറഞ്ഞാൽ മൊബൈൽ ഫോൺ കയ്യിലുള്ളവരെല്ലാം.

സ്വന്തം ഫോൺ നമ്പറുകൾ എവിടെയൊക്കെ കൊടുക്കുന്നുണ്ടെന്ന് ഒരു ധാരണയുമില്ലാത്ത കാലമാണിത്.... പോരെങ്കിൽ ഇന്റർനെറ്റ് എല്ലാവരും ഉപയോഗിക്കു ന്നുമുണ്ട്. അതിനാൽ കരുതലുണ്ടാകുക, സൈബർ തട്ടിപ്പു കാർ എപ്പോൾ വേണമെങ്കിലും തേടിയെത്താം.