ലാ സ്കലോനേറ്റ

കളിക്കാരനെന്ന നിലയിൽ വലിയ കരിയറിന്റെ ഉടമയല്ല ലയണൽ സ്കലോനി. കളിച്ചത് വെറും ഏഴ് മത്സരങ്ങൾ. എന്നാൽ, പരിശീലകനെന്ന നിലയിൽ മറ്റാരും സ്വന്തമാക്കാത്ത നേട്ടങ്ങൾക്ക് ഉടമയായിരിക്കുന്നു സലോനി. ലോകകപ്പിലും കോപ്പയിലും അർജന്റീനയെ ചാമ്പ്യൻമാരാക്കുന്ന ഏക പരിശീലകനെന്ന നേട്ടവും സലോനിക്ക് സ്വന്തം

- അനീഷ് പി. നായർ

അർജന്റീന ആദ്യമായി ലോകകപ്പുയർത്തിയ 1978 ലാണ് ലയണൽ സ്കലോനി ജനിക്കുന്നത്. ഈ ലോകകപ്പിൽ അർജന്റീന കളിച്ച അത്രയും മത്സരങ്ങളാണ് അന്താരാഷ്ട കരിയറിൽ സ്കലോനി രാജ്യത്തിനായി ആകെ കളിച്ചിട്ടുള്ളത്. രണ്ടും കൗതുകരമായ കാര്യങ്ങളാണ്. എന്നാൽ കൗതുകരമല്ലാത്ത ഒരുകാര്യം അർജന്റീന ഫുട്ബോളിന്റെ ചരിത്രത്തിൽ നിന്ന് ഒരിക്കലും മായ്ച്ചുകളയാൻ പറ്റാത്ത പരിശീലകനായി സ്കലോനി മാറി എന്നതാണ്.

ലോകകപ്പ് ഫുട്ബോൾ വിജയത്തിലേക്ക് ടീമിനെ നയിച്ച മൂന്നാമത്തെ പരിശീലകൻ. കോപ്പ അമേരിക്കയിലും ലോക കപ്പിലും ടീമിന് കപ്പ് നേടിക്കൊ ടുത്ത ഏക പരിശീലകൻ എന്നീ പട്ടങ്ങൾ അർജന്റീന ഫുട്ബോൾ ചരിത്രത്തിൽ അങ്ങനെ മായാ കിടക്കും.

ഏഴ് മത്സരങ്ങൾ മാത്രം നീണ്ട അന്താരാഷ്ട്ര കരിയറും സുദീർഘമായ ക്ലബ്ബ് കരിയ റിനും ശേഷം 2016 ലാണ് യോർഗെ സാംപോളിയുടെ പരിശീലകസംഘത്തിലേക്ക് പഴയ വിങ്ബാക്ക് ചേരുന്നത്. സാംപോളി അന്ന് സെവിയ യുടെ പരിശീലകൻ. പിന്നീട് സാംപോളി അർജന്റീനയുടെ പരിശീലകനായപ്പോൾ സ്കലോനിയേയും ഒപ്പം കൂട്ടി. 2018 റഷ്യൻ ലോകകപ്പിലെ മോശം പ്രകടനത്തിൽ സംപോളിയുടെ ജോലി തെറിച്ചപ്പോൾ സ്കലോനിയെ പരിശീലകന്റെ താൽക്കാലിക ചുമതലയേൽപ്പിച്ചു.